Нов поим „Втор Господин“: Во САД воведена титула за да се опише позицијата на Даг Емхоф

Издавачката куќа „Merriam Webster“ во својот речник го додаде поимот втор господин за да ја опише улогата на сопругот на американската потпретседателка Камала Харис, Даг Емхоф.

Дефиницијата на новиот поим гласи: сопруг или машки партнер на потпретседателката или друга претставничка на висока функција во земјата.

Сопругот на американската потпретседателка Камала Харис, Даг Емхоф официјално е Втор господин, за првпат во историјата на САД од 20 јануари годинава.

Сопружникот на потпретседателот на Соединетите Американски Држави обично ја носи титулата Втора дама, но бидејќи на оваа позиција првпат во историјата е жена, нејзиниот сопруг ја презеде титулата Втор господин.

Според Си-Ен-Ен, ова е уште една работа по која Харис влезе во историјата, покрај тоа што е прва жена на позицијата потпретседател, но и прва Афроамериканка на таа позиција.

Емхоф, инаку успешен адвокат, се ожени за Камала Харис во 2014 година, додека работеше како главен обвинител во Калифорнија.

Тој изјави дека е прв Втор господин, но не сака да биде и последен.

]]>