Skip to content
„Урс Крајнбихл ќе ја помине ноќта во болница, а утре ќе биде вратен во Швајцарија, објави швајцарската федерација, нагласувајќи дека скијачот е во свесна состојба.
Урс преживеа страшен пад при последниот негов скок, непосредно пред финишот на спустот во Кицбил, кога падна додека скокаше со брзина од 146 км/час. Ова е најтешкиот ској на Мундијалот, а 26-годишниот Швајцарец, не успеа да го совлада. Тој падна директно на глава, а потоа се излизга до целта, од каде беше евакуиран со хеликоптер. Така, Крајнбил се приклучи на долгиот список на скијачи кои доживеаја сериозни падови во Кицбил, на „патеката на смртта“.
-Два дена бараме да се пресече тој последен скок, кој е предолг. Летаме околу 80 метри со брзина поголема од 145 км на час и треба тоа да се скрати. Но, тие одбија и сега се виновни за падот, изјави Французинот Жоан Клари, кој исто така тешко падна на истото место за време на тренингот во четвртокот, а беше четврти на трката.
Организаторите се извинија за тој последен скок, но истакнаа дека снегот го обработиле вчера, но временските услови и мразот на патеката денеска значително го забрзувале пристапот кон тој скок.
