Погледнете во дворот на Сека Алексиќ, има органски зеленчук, кокошки и се е под контрола

Оазата на Сека Алексиќ е доволна за мирен и среќен живот

Пејачката Сека Алексиќ со години негува хармоничен семеен живот далеку од градската гужва – во мирот во својот дом во Стара Пазова. Иако публиката ја памети по енергичните настапи и хитови, сепак Сека приватно е посветена мајка, сопруга и љубител на природата, животните и здравата исхрана. Пролетта е вистинското време кога оазата на Сека Алексиќ станува една од најшарените што ќе ги видите…

Во пространиот двор кој потсетува на селска идила, Сека одгледува разновиден зеленчук и органски садници. Градинарството за неа не е хоби, туку начин на живот кој со љубов им го пренесува на синовите Јаков и Јован. Момчињата со задоволство учествуваат во одржувањето на градината, учат преку игра и работа колку е важно да се јаде здрава храна и грижа за природата.

Пејачката на својот Инстаграм профил често споделува делови од ова секојдневие – последен пат објави видео на кое се гледаат петел и десетина кокошки како слободно шетаат низ дворот. Благодарение на нив, нејзиното семејство секојдневно ужива во свежи домашни јајца. Медиумите уште порано пишуваа дека кокошарникот е оригинален подарок од нејзиниот сопруг Вељко – подарок кој стана симбол на нивната заедничка визија за живот надвор од градот.

Освен за органската градина и животните, Сека се грижи и за естетиката на домот. Таа неодамна среди дел од дворот, направи цветен аранжман и во дневната соба внесе мирис на свежи цвеќиња. Се чини дека сè е внимателно осмислено, но без претенциозност – искрено, домашно.

Нивниот дом, опкружен со поле, има се што му е потребно на едно семејство за мирен и здрав живот: базен, игралиште за деца и доволно простор за игра, работа и одмор. Иако многумина го опишуваат како „замок среде поле“, она што му дава посебна вредност не е неговата големина, туку љубовта и трудот што може да се почувствува во него на секој чекор, пишува Свет.рс.